Հայաստան
Լեզու՝ hye ar
Լեզու՝ hye ar
Հայաստան

«ԵվրոՔիմ»-ն առաջին անգամ հանդես եկավ Հայաստանի գլխավոր գյուղատնտեսական ցուցահանդեսում՝ ներկայացնելով իր 2027 թվականի արտադրանքի պորտֆոլիոն

03.11.2026

«ԵվրոՔիմ»-ն առաջին անգամ մասնակցեց գյուղատնտեսության և ագրոտեխնոլոգիաների միջազգային ցուցահանդեսին՝ Հայաստանում կայացած «Agro Expo 2026»-ին։ Միջոցառումը տեղի է ունեցել հանրապետության մայրաքաղաքում՝ «Երևան Էքսպո»-ի հարթակում հոկտեմբերի 16-ից 18-ը։

Հայաստանում գյուղատնտեսական առանցքային միջոցառումներից մեկին մասնակցությունը «ԵվրոՔիմ»-ի զարգացման ռազմավարության մի մասն է ԱՊՀ երկրների առաջնահերթ շուկաներում։ 

«ԵվրոՔիմ»-ն առաջին անգամ պաշտոնապես մասնակցում է «Ագրո Էքսպո»-ին՝ մենք ուրա՜խ ենք այս լայնածավալ գործարար միջոցառման մասնակից լինելու համար ստենդով: —նշել է ԱՊՀ երկրների վաճառքի մենեջեր Օլգա Արխիպովան, — Պարարտանյութերի շուկայում մեր 60% մասնաբաժինը գործընկերների հետ մեր համագործակցության և ֆերմերների հետ շարունակական երկխոսության արդյունք է։ Կրթական սեմինարների և տարիների փորձի շնորհիվ մենք սովորել ենք լսել ոլորտը և ստեղծել լուծումներ, որոնք կօգնեն ֆերմերներին ավելի լավ արդյունքների հասնել։»

Տեղեկություն

«Agro Expo»-ն Հայաստանի առաջատար արդյունաբերական հարթակներից մեկն է, որը միավորում է գյուղատնտեսներին, արտադրողներին, ներմուծողներին և սննդի արդյունաբերության մասնագետներին՝ միջազգային կապերը ամրապնդելու և երկրում գյուղատնտեսության կայուն զարգացումը խթանելու համար։

 

«Agro Expo 2026»-ի շրջանակներում ընկերության մասնագետները հայկական շուկային ներկայացրել են 2027 թվականի սեզոնի համար նախատեսված անհատականացված ապրանքատեսականին և տասնյակ խորհրդատվություններ անցկացրել տեղացի ֆերմերների համար՝ մանրամասն քննարկելով խնդիրները, որոնց բախվում են տնտեսությունները։ Հայ ֆերմերները մոտենում էին կոնկրետ հարցերով և ներկայացնում կոնկրետ դեպքեր՝ կիսվելով իրենց գործնական փորձով տարածաշրջանային հիմնական բանջարեղենի, մրգերի, հատապտուղների և լոբազգիների մշակման գործում, որոնք աճեցվում են ինչպես ներքին սպառման, այնպես էլ արտահանման համար։

Ցուցահանդեսի հիմնական գործնական արդյունքը դարձան մի շարք առաջատար ֆերմերային տնտեսությունների համար լիարժեք գյուղատնտեսական աջակցության վերաբերյալ ձեռք բերված պայմանավորվածությունները։ Համապարփակ սպասարկումը ներառում է հողի մակրո և միկրոտարրերի հետազոտություն, որոշակի մշակաբույսերի և կլիմայական պայմանների համար անհատականացված սնուցման պլանների մշակում, ինչպես նաև արագ խորհրդատվություն ողջ սեզոնի ընթացքում։ Գյուղատնտեսական աջակցությունը տարիներ շարունակ պահանջարկ ունի Ռուսաստանում և ԱՊՀ-ում, որն օգնում է ֆերմերներին հաջողությամբ հաղթահարել առաջացող կլիմայական սթրեսները և բարձրացնել բերքատվությունը։

Ընկերությունը ավելի ու ավելի է նպաստում տեղական գյուղատնտեսների կարողությունների զարգացմանը՝ նրանց տրամադրելով ոչ միայն հանքային սնուցման բարձրորակ արտադրանք, այլ նաև մասնագիտական ​​գյուղատնտեսական գիտելիքներ, ինչպես նաև հանրապետության պայմաններին հարմարեցված՝ բույսերի սնուցման սխեմաներ։ Վերջին տարիներին, տեղական ագրոարդյունաբերական համալիրի զարգացման և հանքային սնուցման արդյունավետությունը բարելավելու գործիքների պահանջարկի հետ մեկտեղ, «ԵվրոՔիմ»-ը սերտ, անմիջական երկխոսություն է հաստատում վերջնական սպառողի հետ։ Այդ թվում նաև՝ թվային կանալներում: Անցյալ տարի հայ հաճախորդների համար գործարկվել է արտադրանքի սեփական կայքէջ՝ որոշակի մշակաբույսերի համար պարարտանյութեր ընտրելու հնարավորությամբ: Հատուկ ուշադրություն է դարձվում տարածաշրջանում գյուղատնտեսական մշակաբույսերի հանքային սնուցման սխեմաներում նոր տեխնոլոգիաների ներդրմանը, օգտագործողների փորձագիտության բարձրացմանը և կեղծիքներից պաշտպանությանը. Հայաստան ներմուծվող փաթեթների վրա դրվում է հատուկ պաշտպանիչ միջնակար։